«fuerça conuiene liçitamente despender, e de dexar las cosas que le son neçessarias. E esto viene de grant pobredat de coraçon, por la qual cosa el ome avaro jamas non se vee farto. En la Suma de los Viçios se lee que aquel es dicho propiamente avaro, el qual retiene aquello que por fuerça le conuiene despender. Dize san Gregorio: todas las cosas del mundo han su fin sinon la avariçia que jamas non se farta .»