«dizen·le essa hora quasi polluta polilla. Algunas vezes se fazen ende pequeñuelos gusanos e esto muestra acabada corrupçion. Ca la fin de corrupçion es prinçipio de generaçion como el Aristotil dize in libro De generaçione et corrupçione. D·esta tal lepra dixo el testo lepra volatilis et vaga. A·la qual non ay remedio synon arder aquello en que fuer en llamas de fuego. Por esso dixo debet igne conburi. E viene mas en la lana por auer seydo»