«e corronpiendo el ayre e soruiendo los animales e los fructos de·la tierra. § La ystoria es puesta ansy. En Greçia era vn lugar paludoso e encharcado en manera de tremedal que se llamaua por los de aquella comarca Lerne. Onde auia vna sierpe de estraña figura e con muchas cabeças. A·la qual dezian ydria. E avia tal natura que por vna cabeça de aquellas que le fuese tajada. Le nasçian tres en manera»