«las casas eran leprosas mas avn la tierra era por sequedat e contagion de·los abitantes tornada salada e jnfecunda. D·esto dixo Dauid en el psalmo çentesimo sexto. Terra fructifera in salsugine a maliçia habitancium in ea. E por esso en aquella ley dize del Levitico en capitulo .xiiii. cum egressi fueritis terram Canaan quam ego dabo vobis in possessione sy fuerit plaga lepre etcetera. E non lo dixo nin mando guardar antes quando estauan en·los tabernaculos en el desierto. A que paresçe que la mundiçia del pueblo judayco fue tanta en el desierto que non»