«todo este vergel a tres donzellas era encomendado. E ellas guardauan la puerta. Dezian·les Esperidas por ser fijas de Esperio hermano que fue de Atalante. Estas cosas sabiendo Hercules. E oyendo por çertidunbre fue en Libia al logar do era el dicho vergel. E contentadas e bueltas a su voluntad. Por continuados ruegos e dulçes palabras las Esperides donzellas. Entro en·el marauilloso vergel non deteniendo·se en·los menores arboles fasta»