«mas toma la rrayz de·la yerba que es dicha lapaça que faze la simjente bermeja e seca la dicha rrayz e faz poluos e vsa por ellos e son preçiosos: si ovieren gusanos en·la llaga echa çummo de llanten e moriran. § Item dize Giluertus si quisieres cerar la llaga enfistulada si non te pagare tu soldada toma ençienso macho e muele·lo e mescla·lo con vino anejo e vnta la llaga et çerrara y la fistula»