«Alexandre de Ales dize: el poder nasçe por tres maneras: las personas ganando amigos, e aviendo missericordia, e perdonando a otri; por tanto como vengança sin daño non puede ser, quien de otri avra merçet non menoscabara, e quien menospreçiara la pregaria del pobre verna a pobredat. Dize mas: quien buelue la oreja a los ruegos del pobre, el dara bozes e non sera oydo. Cassiodoro dize: non seas avariçioso»