«en tanto que de alli ayuso non pudo nozer por non venir todo junto nin pudo gastar la encontrada o tierra de Calidonia. Antes de aquel braço que Hercules aparto se rego despues toda Calidonia e habundo en fructos copiosa mente. Assy fue consagrado a·la deesa Copia es a saber dado en abundançia fertilidat e cultura o labrança de Calidonia. Esto fue scripto por memoria e loor del virtuoso Hercules que tanto benefiçio dio a aquella prouinçia»