«honbre que es ayrado e fazer·le seruiçio de·la discordia e guera. Dize Salamon: dos cosas son que fazen muncho entristeçer mi coraçon, mas la terçera me faze muncho ayrar: el ome que se tiene por mesquino en la pobredat, e el ome sabio que se desespera partiendo·se del bien por fazer mal, mas sobre todo el onbre sabio que non sabe refrenar la su yra. Aquel que te es enemigo mortal»