«gota abra gran rremedio. Item dize mas que la rruda cocha en vino e lauada la gota con·el dicho vino caliente es muy prouechosa cosa. § Item dize Costantinus que lauada la gota muchas vezes con·el çummo del mestranzo es prouechosa cosa. § Item dize Giluertus si el dolor fuere grande toma apio vna onça açafran tres onças fechos poluos e amasados con quatro yemmas de hueuos e pon este enplastro amansa y tira el grand dolor. §»