«perdurable. Por quanto yo uve fambre e non me distes a comer: sed uve: et non me distes a beuer etcetera. E por ende dize Santiago. Juyzio sin misericordia sera fecho a aquel que fue sin misericordia sobre la tierra. Tiempta otrosi el diablo assi. Ya veys quantos de noche e de dia en·la ley de Dios muy despiertamente trabajan: empero estos avn non osan en alguna manera dizir que sean seguros»