«quien son aquellos que dizen contra las mugeres. Primeramente dize Salamon: asy como non es aspereza sobre aquella del tosygo del escurçon, todo asy non es maliçia sobre aquella de·la fenbra. Dize mas: por mala muger fue nasçido el primero pecado, por el qual todos morimos. E avn dize mas en otro lugar: asy entre mill honbres yo bien he fallado vno puro e bueno, mas de·las mugeres jamas non»