«d·esta depende la mi vida o muerte. Oydas estas palabras: sin dilacion luego le entrego en muger aquella moça que era noble e muy fermosa con grand dote: a·la qual tenia para rescibir por su propria muger el mesmo egipciano. E assi fue sano luego: e acabada su negociacion: torno se para su tierra con·esta muger. Dende a tiempo acaescio que aquel mercader de Egipto perdio sus bienes por muchas e»