«segunt la opinion de algunos que d·ello han escripto por non alongar las razones o enxerir lo que non faze a·la entençion moral. E esto que Hercules fizo fue escripto por syngular marauilla e benefiçio a loor e nonbradia suya. E segunt escriue Petrus Comestor Platon filosofo escriuio esta ystoria en·la su verdat por otra manera. Diziendo que en Greçia fuera vna donzella de tanta sçiencia dotada que todas artes e çiuilidades humanas le eran manifiestas»