«arbol que ençima d·ella es nasçido. Esta es la sobervia o presunçion que tienen sus rayzes sobre el habito viçioso. Este arbol arrincando humilla se e cognosçe su culpa. Estonçes es abierta la cueua e visto por ojo intellegible el ladron de·la disoluçion. E es fecho claro el lugar que primero por ignorançia escuro era. Essa hora lança fumo e fuego. El fumo es la jnclinaçion que prueua escurecer la verdat cognosçida .»