«Grimalte como auctor. § Depues que Pamphilo huuo scrito su letra dio la al paie que Fiometa le enbio: y con la repuesta que trahya satisfizo a todas sus demandas y preguntas. Mas como ella començo a mirar al paie que solo sin lo que desseaua venia no fue poderosa que la carta leyesse: mas de congoxa alterada cosas iamas hoydas començo a razonar. Y la fuerça de·las penas muchas vezes la trespassauan tanto que muerta»